سلسلة عوج

كلمة عوج او اعوجاج كلمة توصف بها امور في حياة المعاشة مثلا كاين في القانون عوج كاين في الخدمات عوج كاين في البلدية عوج في المستشفى عوج في الطريق عوج الخ
في هذا الموضوع اخترت ان نعدد الاعوجاج وحله
مثلا عوج موبيليس وجزي ونجمة
المقاول والتاجر يمدول بنص السومة والزوالي يزيد عليه
عوج البلدية
ماكاين حتى بلاكة في بلدية ونوغة ولا اسم شارع ولا دليل البلدية والدرك والبوسطة ك تدخل متعرفش لوراك و لاوراك رايح


ومزال كاين عوج بزاف مزلت نجبلكم مرة على مرة

مشكور

شكرا اختي على التفاعل
عوج في ثانوية ملوزة
بناتنا في عمارهم حتى 21 سنة تجري في الملعب والناس كامل تتفرج فيها عيب وعار صور ماقدروش يبنوه
عوج البلدية
ولامير من اميار البلدية خمم في الوجه الحسن للبلدية ولا رومبوا زينة ولا حديقة للجلوس حتى الاشجار دار نصهم الشعب

مشكور اخي بلال قويدر على الموضوع والله في الحقيقة مند دخولنا لبلدية ونوغة من الوهلة الاولى منشوفو غير العوج ومتصادفك حتى حاجة مسقمة

مشكوووووووووووووووووووووووووووووووووور

بلادعوجاء في كل شيئ

هاذا كله من كثرة الاعوجااااااااااج
لان حنا عووج لازم نسقم حنا باه يروح الاعوجاج

كي المال كي المالي.......ما نفعها لا مير لا والي...

مطفرة غير في الزوالي...

اسمحولي ما قلت غير وش في بالي.....


مشكوووووووووور على الموضوع قويدر بلالــــــي......ههههههههه

اشكركم على التفاعل
و كما وعدتكم في الاعداد السابقة ان اتيكم كل مرة باعوجاج جديد
عوج بعض الشباب المقبل على الزواج
والله عيب كبير على بعض الشباب المقبل على الزواج وحمل كبير داروه على الزوالي كل يوم يجيبولنا سيرة جديسدة المولد يد عاشورة يد العيدين يد عيد الحب يد خص قي اول نوفمبر و خمسة جويلية والمشكل ما هيش في انك تدي كاين حوايج واجبة ولكن المشكل انهم يدو الذهب و شمن ذهب نتاع 4ملاين وطلع خف على الزوالي شوية وما هيش هذي هي الرجلة

عوج في شباب ملوزة
كانو يحكونا بكري ان كان هناك فريق لكرة اليد والطائرة وكاين فريق ومدرسة جيدو والكراتي والسباق وكانت هناك فرق موسيقية وكانت هناك كشافة نشيطة وكانت الرحالات ومشاركات في مهرجانات وطنية والله غير دوخ رانا نتحضر ونتقدم ولا نتخلف على بالكم واش راني متمني راني متمني نرجع نعيش في ذاك الوقت
يخي دنيا يخي ماهو الفرق بين شباب ذاك الوقت وهذا الوقت انا نقولك الوقت هذاك الشباب نتاعو نية يخدمو من نيتهم اما هذا الشباب معمر حيلة وانانية وكسل
عيب الطفل يا عجاب يخرج يدقوتي مكانش وين يروح
وفي الاخير نتمنى من هذا الشباب ان ينح الكسل والانانية والحيلة لراها فيه ويتاكد بل لتنجح بلاد تنجح هو وكل فرد فيها واخر الكلام سلام

شكرا اخي والف شكر على اهتمامك بالبلدية وشؤونها
والله راحتلي الافكار كنتفكر راني نشارككم الحوار
علابالنا بلي حاجة ما هي مسقمة لكن يفرج ربي

oh my god whats this mordjana

والله ثم والله ثم والله ...لن يغير الله ما بقوم حتى يغيروا ما بأ نفسهم ...نفوسنا مريضة يا قويدر واستقاماتنا عوجاء من أعلى مثل العصى ...تسوي اعوجاجها تكسرها تتركها هي عوجاء ...وليعذرني الجميع ان لم أصب في كلامي

سلام عليكم يوجد العوج في مكان حاشي البعض خاصتا في ملوزة عند 12سنة ولا شفت تغير في كل شي سبحان الله

لازم واش ديرو تغيرو مكان البلدية من الأحسن

كلمك صحيح يا اخي

شكرا على التفاعل ومادام كاين اللعوج حنا رانا حاضرين
عوج شعبنا العلامة الكاملة في النفاق الديني والاجتماعي والسياسي والاقتصادي
اليوم راه يذن في الجامع غدوة تلقاه يشرب الامام تخرج من الجامع يمنشر فيك وكاين لليوم يمنشر في صاحبو غدوه متحضنو هذا هو شعبنا على جال مصلحة يدور على جار وعلى صاحب وعلى خوه وعلى بلاك حتى والديه
اليوم يقولك هذا ناس ملاح وولد فاميليا غدوة رخيس ومايسواش اليوم راه ضد المير لغدوة يتبسمل يولي سيدو
ماعدناش نعرفو لمليح ملحاير
عيش تشوف ربي يبعد علنا النفاق بكل انواعه ويلهمنا حب بغعضنا لوجهه الكريم