الرسالة الملوزية

الرسالة


الحر على الوطن يغير والعنف ما يجيب الخير
نوصيكم يا الصغار وحنا كبرنا رانا عقاب نهار
واتهلاو في هذي الدار لي ماتو عليها رجال كبار
شفتو في العالم واش صار بالاك تتغروا وتلعبوا بالنار
أحنا مانتغروش وفي رئيسنا بوتفليقة ووطنا ما نسمحوش
جيشنا واقف مانخافوش تكوينا مرة مانزيدوش
انا وطنك ولا نسيت بدم الشهداء تسقيت
كم من مرة تكويت شحال تعبت وشقيت
وباه رجعت السمعة للبيت فوتنا سنوات
لي فيهم الازمة تضخمت والنار قدات
نسينا الاعياد والمناسبات غابت علينا سنين وبقينا هايمين
مدة عشر سنبن وحنا مشتين
البابور حبس يخص شيفور زين
البلاد تتمرمد زاد ركبها الدين
كرهونا الدول اصبحنا مذلولين
جاء بوتفليقة وابدا يصلح
شوفو للرجال لي تعرف تتصرف
اختار الوئام والعالم بيه اعترف
في مدة ستة سنين خلص لبلاد من الدين
واصبحنا حرين بعد ما كنا مرهونين
بوتفليقة اختار الوئام صح راجل وعليه الكلام
امك صح جابتك ونقولوا ضنات
يا صاحب المعجزات يا فارس ياوجه الخير
تعرف التدبر والدير فهمت بين عمر وقدور
وارجعت تبني وطلع في الجسور
ياربي خليه رانا قابلين بيه
ابشر يا شباب وفكر كيما كنت على الستة تغلق الباب
ابنى مليون سكنة بالحساب بوتفليقة ماهوش راجل كذاب
ملي جاء للبلاد نورت وازهات
من زهرنا شوفوا للبترول سومتو وين صفات
حتى المسنين بعثهم لعرفات زاد لصحاب التكوين والجامعات
ابشر يا فلاح بوتفليقة ناس ملاح امحلك دين البنك راك مرتاح
رجع سمعة البلاد واترفعت روس لعباد
ولي مايقرش بالخير راهو كذاب
ياربي جازيه ومن حوض الجنة اسقيه اخدم نشهدو عليه
ياربي جازي المجاهدين الموتى والحيين
لي جاهدو على هذا الوطن بفضلهم روسنا راهم مرفوعين


تحيا الجزائر الله يرحم الشهداء
يحيا الشعب الجزائري يحيا بوتفليقة


الشاعر بختي الصالح


بلدية ونوغة - المسيلة -