يا سحاب على العارض نشا
هيّض القلب سيله والمزون
ذكر القلب ملهوف الحشا
يوم كنا تحت ذيك الغصون
ذكره من عن دروبي مشا
وحرك بخافقي كل الشجون
غالي غيره بقلبي حشا
هو حبي ولا غيره يمون
يا سحاب على العارض نشا
برقك يشدني لذيك العيون
صاحب ما يصدق من وشا
ولا عطا الحب قلبه ما يخون
الشعر منه بالحيل انتشى
والقوافي تغني يا فت
,, سعد الخريجى
******
ياسحابٍ على الساحل مشى بالمـزون
نور برقه يبشّر بالحيَـا مـن بعيـد
تنثر الماء مزونه فوق مرعى الضعون
كل ما مات عشبه نبت عشبٍ جديـد
ربّع القلب وأثمر يوم شفت الغصـون
بين هـاك الروابـي تايهـاتٍ تميـد
ريف قلبي وروحي شوف نجل العيون
ساعةٍ مع حبيبـي كنهـا يـوم عيـد
كل شيٍ يهـون الا الغـلا مايهـون
كل ماصدّ عني شفت حبـه يزيـد
من فقد نور عينه صار فيه مغَبُـون
مايلام المولّـع لا بِكـا مـن يريـد
,, خالد الفيصل ,,
******
امانة يا السحاب اللي توجه للحجاز عصير
تركد واحمل الاشواق معك لسيد خلاني
واذا جيت بطرف جدة تهلل وانهطل بالخير
وعانقها بأشواق الغلا يوم الغلا جاني
وعطها نبذة اخباري وعطها موجز التقرير
وعطها سالفة حب سكن في وسط وجداني
انا ما اقدر على وصفه وخانت روعة التصوير
دخوله انعش فوادي مثل هم للمزاني
بناله عرش واستوطن ونفذ خطة التهجير
وهجر من سكن قبله بلا رحمة وتحناني
عقب ما كانت ضلوعي تشكى من العطش للبير
تروت من غلا حبه وفاضت كل كيساني
وانا مانيب طايع في هواها عاذل ومشير
ابعطيها الغلا الي ما عطيته واحد ثاني
وابكتب في سما الصفحة واعبر للهوى تعبير
وابشطب ما نجرح قلبي وابنسى كامل احزاني
حياتي قبلها كانت بدايت مرحلة تطوير
وبعد ما حلت بقلبي ثبت اسمي وعنواني
&&&&&&&&&