السلام عليكم ورحمة الله وبركاته
واش راكم خاوتي لاباس بخير الحمد لله
اليوم راح نحكيلكم على مثل يقولهولي بابا ربي يحفظو بلي لمرا لازم الراجل يكون واعر معاها من اليوم اللول، ولازم ليامات اللولة تتربى على عقليتو ، وتولي هدرتوا هيا الي تمشي في الدار وووو...
ماشي يرخف روحو من بعد يلعبها رجلةن لمرا اكره حاجة عندها كي تعرف بلي راجلها راهو زيرو وراهو يلعب فيها برك ...
قالك في واحد لبلاصة عندهم عادة أنو الراجل اليوم اللول تاع عرسو لازم يضرب مرتو ويسمعو لعياط تاعها والديها والفاميليا تاعو ...
قالك كاين واحد راح يزوج بوحدة وليلة عرسو قاللها شوفي انا نشتيك ومانقدرش نضربك، قاللها أنا نضرب لمخدة ونتي عيطي كلي راني نضرب فيكن قاتلو خلاص تفاهمنا ...
المهم قاعد يضرب في لمخدا وهيا قاعدة تعيط زعما راهو يضرب فيها ...
المهم فوتو العادة تاعهم بخير ...
دارت ليام وليام وولات مرتو عاقدة عليه وماتاخذلوش الراي وماتسمعش لهدرتو خلاص ...
واحد اليوم قالها درك نضربك قاتلو غير هني روح وعارتك ورجولتك هادي راحت ليلة لمخدة ...
هههههه
مسكين طفاتو كي النار في الماء لبارد ...
ههههه
ولحديث قياس ...
ملاحظة:
أولا:
الموضوع والمثل حصري ولمنتدى اللمة فقط، يرجى عدم سرقته وحتى التبديل فيه ...
ثانيا:
انا تاني تبالي راح تصرالي هاد القصة لاخاطر حنين بزاف مانقدرش نضرب مرتي هههههههههه
ثالثا:
رانا نحكيو برك نشاء الله ماتزعفوش ، الراجل ألي يضرب مرتو ويحقر مرتو ماشي راجل ...